سوالفنا


العودة   منتدى حسبتك لي > وناسه - الغاز - العاب - العاب الكترونيه - مسابقات منوعه > وناسه - الغاز -هسترة - زحف -خبال




إضافة رد
 
LinkBack أدوات الموضوع انواع عرض الموضوع
قديم 25 - 5 - 2010, 11:59 PM   رقم المشاركة : [ 1 ]
# سُقاة حَسبتّك ♡ ..
 


افتراضي بنات في عرس ههههههههه


بنآت بالعرس لايطوفكم :

بنآت بالعرس لايطوفكم
السلام عليكم ورحمة الله وبركاته ..

تقرير عن بنات بو كشه بالعرس


يعني وش يسون بالعرس وش جوهم

منهن من تثير الشفقه... ومنهن من ترسم علامات التعجب فوق راسك

( ما تدرين ترقص ولا تخض لبن)


ومنهن من تجعلكي ترددين ( الحمد لله على نعمة العقل ) من ان تضع قدميها الكريمتين

عالمنصة الى ان تنهي وصلتها الاستعراضية...........

انا مدري الوحدة منهن تفقد عقلها اذا سمعت الطق؟؟؟؟!!!!!! ( الله اعلم) وحدة تهز الوسط وما تحته...

والثانيه: ترج المناطق العلوية وما جوارها بتوقيت الرياض....

والثالثة: تنفض شعرها بطريقة الفريرة تقولون داخلته حشرة تبي تطلعها.....

والرابعة: تحرك يديها بطريقة لولبية كوكبية متوازية الاضلاع كنها تخبز تميس..........

والخامسة: تطامر يمين ويسار كسرت ارقاب الاوادم من كثر ما يتلفتون............

والسادسة: تترنح على انغام البوب بطريقة هستيرية كنها صرصور باخين عليه بف باف.......

والسابعه: تتهز تقولون ماسكها كهرب 220 فولت........

والثامنة: تصفق بيديها من تبدا الى تنتهي ما تدرون تصفق لنفسها ولا للحضور.

والتاسعة: ترقص جنب الطقاقات وتخش في وجيههم عشان يزينون لها اطق والطقاقات ودهم

يصكونها بالطيران صرعتهم بريحتها ( الله لا يلومهم )


والعاشرة : تسوي حركات تشكين في قدراتها السيكولوجية والفسيولوجية والامبريالية؟؟؟؟!!!!

مرة حضرت انا وبنات خالتي زواج

قامت وحدة ترقص والله العظيم اني احسبها متخلفة عقليا

بنات خالتي تسدحوا من الضحك!!!! انا بصراحة رحمتها وقلت لهم وجع استغفروا البنت معوقة

الله يشفيها.... بعد ما خلصت من الرقص وراحت السكرة وجت الفكرة اكتشفت انها بكامل

قواها العقلية الا بعد اصحى مني ( شوفوا يا اوادم شوفوا لك الحمد ربي والعواذل كثيرو)
وانا ما يبط كبدي من ذا الحريم الا الي تكون لابسه برقع ( تدق التسريحة والمكياج والفستان

المشخلع والمخلوع بابه وتلبس برقع) وشلون تجتمع ما أدري..........
واذا طلبوا لها اغنية تجيكم طايرة من اخر القاعة ( جاكم الاعصار ما شين يعيقه )


واذا وصلت المنصة تمسك البرقع باقوى ما عندها ثم ترميه على الواقفات عالمنصة

والشاطرة تمسكة عاد

واذا خلصت وعينت من الله خير قامت تدور برقعها مثل المسعورة لانها من الحماس ما

تدري وين اراضيه واذا لقته كنها لالالالالاقيه كنز على طول تحطه على خشتها ما تبي

احد يشوفها ( طيب يا ماما طول الوقت وانتي كاشفة الكبوت ) صدق عقليات ............

والي يبط تسبدتي اكثر واكثر الي ترقص بولدها ( ياليل عليك يا ام خماس الساري)

ياشين ام الشباب لا تمايلت

واذا قام البزر يصيح تنزله وتكمل رقص والبزر ياعمري يتعلق في فستانها الارجواني

ويجرجر فيه يجرجر فيه وهو يشاهق من الصياح

تحسبونها توقف لالالالالا إلا اكمل الرقصة ان شاء الله يموت من الصياح اجل اخلي فلانه الي

طلبت لي الاغنية عشان هالعله لالالالالالا وألف لالالالالالا.............

وما يضحكني الا الي تدخل اسمها في الاغنية واسم العيلة وعيلة العيلة ( ياشين السرج البعارين)...
والاغاني المستخدمة لهاذا الغرض تنقسم الى قسمين:
مدح مباشر مثل :
كل ال فلان خياله .......... ( والله ماعمرهم ركبو خيل ولا شافوها )

ياصايغين الذهب عطوا الذهب فلانه ... ادعس

ويا فلانه .. يا العود الازرق ............ ( مادرو ان عمرها ما شافت العود الازرق )


فلانه كل الحلا فيها احترت انا مدري وش اسميها .....

فلانه غزال صادها القناص...... ياحلالاه يا حماية الحياة الفطرية أي والله

والقسم الثاني مدح غير مباشر:

الله يازين الي حضرت غطت على كل الحضور..... بالعدال ياديانا سبنسر.

( بس هالاغنية قديمة حيل)...........

وقولوا بسم الله على غزالن طب قولوا بسم الله (هاذي عاد ضاربة في القدم) بس الا الان

متداولة المشكله مايرقص عليها غزلان الا يرقص ( فيله )

نورت ياحلاها شمس الاقبالي والعذارى شموعن من حواليها ( هاذي عاد من تحت

الانقاض)

ههههههههههههههههههه ياقدم الأغاني قديمك نديمك ولو الجديد اغناك .....

بس كله يهون
الا اذا قالو

مجانين خلق الله مجانين

يقومون نص الحريم

منقول لعيونكم





  رد مع اقتباس
قديم 26 - 5 - 2010, 12:35 AM   رقم المشاركة : [ 2 ]
# زعلوناَ منهّم
 


افتراضي رد: بنات في عرس ههههههههه

هههههههههههههههههههههه




  رد مع اقتباس
قديم 26 - 5 - 2010, 02:03 AM   رقم المشاركة : [ 3 ]
»اداريه سابقه قدمت الكثير لهذا الكيان شكرا لك «
 


افتراضي رد: بنات في عرس ههههههههه

ههههههههههه والله صدقتي

وهذا موقف صار قدام عيني قامت اختنا في الله ترقص غنو بابوها وتحمست

وتفز طويلة العمر وعلى قولك من اااااااخر القاعه ويوم وصلت المنصه >>>طعـــت !

خلعت البرقع وما ادراك ماتحت البرقع !

اثاريها مسويه مكياج عيون بس وحتى الكريم والبودره على حد عيونها ..

يعني باختصااار وجهها صار نصيين ويوم خلصت الاغنيه توها تستوعب ويرجع لها عقلها >>لكن بعد ايش !!

هاهاي راحت عليك ...

وعاد خذي ياااااااا طنازه عاد حريم ولقو لهم سالفه ...حليـــها ؟والله مالهااااش حل




  رد مع اقتباس
قديم 26 - 5 - 2010, 02:26 PM   رقم المشاركة : [ 4 ]
# سُقاة حَسبتّك ♡ ..
 


افتراضي رد: بنات في عرس ههههههههه

هلا اخواني شرفتو صفحتي ردودكم وياحزن والله بجد بزوجتنا مافيه كذا برقع ومكياج بس على العيون الا يمكن تنتشر ها العاده ماندري بس مااتوقع يسلمووووووو قلبو وشرفتي




  رد مع اقتباس
إضافة رد

مواقع النشر (المفضلة)

الكلمات الدلالية (Tags)
بنات, عرس, في, ههههههههه

جديد المواضيع وناسه - الغاز -هسترة - زحف -خبال



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 09:00 AM.


Powered by vBulletin® Version
Copyright ©2000 - 2014, vBulletin Solutions, Inc. seo by : www.cdt.com.sa
SEO by vBSEO 3.6.1
helm V 3.1 By: !waham ! © 2011-2012
جميع الحقوق محفوظة لـ موقع حسبتك لي