سوالفنا


العودة   منتدى حسبتك لي > شعر - قصائد - خواطر - نثر - قصص - شيلات جديده - بيت القصيد > روايات كامله ، روايات طويله ، روايات رومانسيه ، روايات حزينه ، روايات جديده


روايات كامله ، روايات طويله ، روايات رومانسيه ، روايات حزينه ، روايات جديده تحميل روايات بصيغة الوورد ، تحميل روايات بالتكست ، تحميل روايات بالجوال



إضافة رد
 
LinkBack أدوات الموضوع انواع عرض الموضوع
قديم 26 - 5 - 2012, 02:41 AM   رقم المشاركة : [ 1 ]
» لهُـ بصمَة فِ المُنتَدىْ «
 


افتراضي رواية صرخة جنين في رحم عذراء


صرخه جنين في رحم عذرا!!

[ لااحلل ولااسامح من ينسبها لنفسه ..او ينقلها بدون ذكر المصدر(للكاتبه كيان) ]



[ روايه تحتوي ع احداث واقعيه منها ماروي لي من ..ومنها مارأيته من احداث واقعيه في المجتمع..صغت احداثها ليس في يوم وليله بل من بعد شهر كامل من اجل ان جعل الروايه دون مبالغات او خيال واسع و ودمج الاحداث بروايه شبه واقعيه لتكشف بعض من مشاكل المجتمع..ويتقبلها القارىء بكل عفويه..! ..
اتمنى لكم قراءه ممتتعه..واتقبل النقد الهاادف بصدر رحب..وتفاعلكم هو اهم اسباب نجاح الروايه بالروايه بلا متاابعين كالورد بلا مااء ]..


[ الكاتبة كيان ]..



الفصل الاول...!
نوره: ..يبه يبه والله انا مظلومه يبه شفيك مومصدقيني ؟؟؟يبه ولله ما ماسويت شي مسكت ثوبه وصاارت تترجاه وهو سااكت.........!كانت الصدمه اقوى من انه يتخيلها .. ركلها برجله امشي معااي ولا تتكلمين ولاكلمه.. طالعت بعيونه واللي حستها تتطاير منها الشرار ..زحمه المستشفى وصدمته منعته انه يتكلم او يقول ااي شي كان بزيه العسكري ووبنته اللي تترجها وتبكي صاار موقفه صععععععععب وصمدته جمدت الحكي بلساانه....
ركبت وهي موعاارفه ااي مصير بتواجهه ؟؟كانت عاارفه ان صمت ابوها وراءه الف علامه استفهام..!
دموعها ماوقفت وصوتها...
نوره وهي تترجاه:يبه يبه انت وين بتااخذني..!!رد علي كلممممممني يبه ؟؟
صاارت تبكي وتبكي وهو ساااكت ماتكلم ولاكلمه..!

صارت تترجاءه وهو مايرد عليها ومن كثر ماهو مستحقرها مخليها جالسه وراء ...صار يمشي بسررعه ماكان يهمه كم اشاره قطع ولايهمه شي .كان ضلام الليل يحسه يشع من وجهه ..!همه كيف يدراري فضيحته ...!كيف
اما نوره صاارت تبكي وتبكي وكلمتها الوحيده والله ماسويت شي والله ماسويت شي..!
صارت تقراء اللوحات وكنها تدور وين مصيرها(..عسيلان..يساار)...لف ابوها ليساار كاانت نبضات قلبها سريعه حطت راسها ع رجولها وضمتهم وكانت تنتظر مصيرها وهي تبكييييي ....!!

وبعد ربع سااااعه من المساافه االلي قطعوها وقف ابوها ..ونزل عند مخيم...!!!
جرها من عبايتها ودخخلها جواء ..كان المخيم له وفيه بيت شعر وخيمتين للرجال رواية صرخة جنين عذراءثلاث خيام للحريم كانت فيه اصغر خيمه هي ابعد خيمه وبمثابه مستودع للمخيم جر ها من شعرها وهي تصرخ: اااي ااااااه
دخلها الخيمه وهي تبكي جلس قطع صمته وصرخ
بوجهها :ياصايعه ليش سودتي وجهي ؟؟؟ومسكها من شعرها وصاار يشده بقوة ووجهه بوجهها :قولي لي ليش سويتي كذا يابنت الشوراع..صرخت والله ماسويت شي والله هم ضلموني يبه اانا بنتك
ابونوره :تخسين مانتي بنتي انا ماربي؟؟؟حط يدينه ع رقبتها وصار يخنقها ويطالع فيها .....

ابو نوره:انا جاايبك هنا لاجل اذبحك وادفنك هنا...انتي اللي مثلك تموت وتندفن بالتراب ...صاار يسبها ويدينه تضغط عليها
نوره تحااول تصاارخ ..تحااول تتنفس لحظااات تقاوم فيها تتنفس وتشهق لحظه حست ان شريط ذكرياتها يمر قدامها ....وبهالموقف اللي روح نوره بين يدين ابوها سمع صوت....!!
×××
دخل ناصر وكعادته موطايق شي ...دخل الفيلا اللي صممها بنفسه كانت فخامتها فعلا تدل ع اان هذي الفيلا لشخص منهدس معماري وله اكبر شركه للهندسه المعماريه بالقصيم ..الفيلا كان لها مساار من باب الفيلا الخارجي الى الدرج اللي يوصل للباب الداخلي والباقي كان كله اشجار ونخل ماليزي وورد كان تنسيق الحديقه تنسيق محترف جمع بين الجمال والتنسيق واللعب بالاضاءالانورا اللي تحدد المساار باختصاار كانت الفيلا فخمه وتسحر كل من شافها..
دخل ناصر (40سنه منهدس وله شركه للهندسه المعماريه..عصبي ومزاجي لابعد حد..شركته اخذه كل وقته زوجته ساره36 له بنتين وولد (ندى 19وربى 16 ومازن15) ووسكر الباب وكان صوت الباب يتردد صداه في الفيلا قعد يطالع بالصاله اللي بكل زويه منها اثاث والوان والجز الخلفي يفتح ع الحديقه والمسبح..قال بنفسه ::اايه كالعاده فاضيه رغم اللي ساكنين فيه ...صوت شبشب قطع صمته نزلت ندى (سبورتيه يعني نوعا ما عربجيه شعرها لاخر رقبتها ومقصصته سبايكي ..ملامحها هاديه ووناعمه بشرتها حنطيه حواجبها تشاينز وشفايفها صغيره ومليانه موحلوة ولاشينه ملامحها نااعمه لابعد حد.. لابسه برمودا جنز وتي شيرت سبورتي احمر) ندى ..(هلا وغلا باحلى اب بالدنيا ..ناصر :هلا فيك حاطه عبايتك بيدك شكلك بتطلعين ..
ندى ::وهي تلعب بشعرها (كح كح ااي بتمرني لمى بنروح للمول ..!)
ناصر:طيب امك طالعه صح..كالعاده..ندى:أي ..ناصر.:واخونك وينهم؟؟
ندى :ربى منثبره ناايمه ومازن طلع قبل ساعه..!
ناصر مارد ع ندى وطلع مع الدرج ..ندى :يبه بتنام..ناصر بدون مايلتفت أيه ..!
×××
نزلت لمى بسرعه من الدرج (لمى عمرها 20لابسه بنطلون اسود سكيني وقميص اسود شعرها اسود الى نص رقبتها ومقصصته عشوائي ومن قدام مقصص ع وجهها ملامحها..حاده حواجبها مسويتهم تشاينزعريضه وشفايفهاصغيره عيونها عذاااااااااب وساع ونظراتها حاااااده ..
,,,
وهي تنزل بسرعه ناادتها ليان اختها..
ليان وهي تطل من الدرابزين لمى اروح معااك ...!
لمى وهي معصببببه لا انقلعي ولك عين بعد السواق تاخر يجيب اغراضك والحين ببرود بروح معك..!
ليان تصرخ مييته عليك الشرهة علي موعليك..
ماردت عليها لمى وطلعت بسرعه ..
,,,
(ليان دلوعه مرررره ملامحها اقل من عاديه ..شعرها لنص ضهرها وصابغته بندقي ..كان اللمميز فيها دلعها....وجسمها واناقتها وشياكتها...عمرها 17سنه)
زياد :هههههههههه وهو بيدخل غرفته ياهي كسحتك كسحه قويه جداههههههه..
ليان بنبره دلع معصبببببببه ..حدك بايخ ..وترفع الضغط..
زياد يقلد طريقه كلامها ..حدك بايخ وترفع الضغط.. اقول مع نفسك بس..
ليان طالعته بنظره استحقار ودخلت السويت<<(جناح) اللي خاص فيها وبلمى
,,,
(زياد عمره 22يدرس بجامعه اكسفورد تخصص ادراه اعمال وعلوم سياسيه..)
اما ابو زياد عمره 56 مستشمر عقاري في القصيم وله اكبر شركه عقاريه في المنطقه الوسطى ..شغله اخذ كل وقته ...ونادرا مايجلس بالبيت..!
ام زياد عمرها 45..اهم شي عندها ستايلها ومظهرها االلي يشوفها يقول عمرها 27 من كثر ماتهتم بروحها وتسوي من عمليات التجميل..عصبيه ومتكبره...وكلمتها ماتنكسر..!)

×××
سمع صوت من وراه ..خلها علي ..!!
التفت ناصر الا شاب متلثم.ولابس ثوب ورافعه ورابطه ع خصره وطالع سروال السنه ومعاه مسدس نااصر انت مين انت مين..!!

انا محمد ودخلت المخيم بالغلط عبالي حق خوياي..دخلت هنا وسمعتك تقول بذبحك وبدفنك..
نااصر وهو مرتبك مااقلت شي ولافيه شي يلا ااطلع ..
محمد :هههههههههااي لايالحبيب وصراخها اللي واصل لاخر المخيم ..!
ناصر وهو يطالع المسدس اللي معااه ..!!
والمطلوب يعني .....اخلص ..!
محمد:انا وااحد داج حافي منتف ..واسرق عشان ااعيش..!انااقدر اذبحها لك..وبسهوله وااخفيها من على وجه الارض ..وبدون مايكون لك أي سبب بالجريمه.... بس بشرط واحد..
ابو نوره واللي بدأيتوتروبنفس الوقت جته بارده مبرده شخص يذبح بنته عشان لو تطيح تطيح براسه.. واللي عينه ع الخيمه اللي فيها نوره..!!
وش هو الشرط..!!ميخاالف اخلص بسررررررعه......!
محمد..ابي مبلغ 5الالاف وهذا المخيم..!كله ..
نااصر صاار ..! بس ابيها تموت وفضيحتها معااها...انت فااهم..!!ابي تموت وتنمحي من الارض كلها.......!
محمد..وهو يطق ع صدره ولايهمك محسوبك خبره بالاجرام مسجون 4سنوات بين المحكوم عليهم بالقصاص واللي مؤبد يعني قلبي قلب سبع ..!
ابو نوره :حلو يلا اجل ورني شغلك الحين ...!
محمد :لاوالله تنكت او تحااول وين المبلغ ؟؟؟
ابو نوره :بعصبيه منين اجيب لك الحين !!
محمد روح اصرف ..اقرب محطه ع طريق الطرفيه ..عندها صراافه..!
ربع ساعه بالكثير وتجيني هنا ناصر وهو مرتبك مايمدي ..محمد بعصبيه الا يمديك سوق بسرعه ..بعدين قبل تروح تعال عطني بطاقتك...,,ابو نوره ..يعني بنتي جوا مو ضمان لك ااني بجيب لك المبلغ..!محمد :لاموضمان وش ابي بنتك اللي بذبحها وتطيح مصيبتها براسي قتل تعرف وش معنى قتل يعني فيه قص رقبه..ناصر :خذ جوالي اما بطاقتي لا..!
محمد.. خاايف اعرف اسمك منو المفروض يخاف من الثاني..!
المهم خلصني عطني جوالك ونص ساعه بالكثير لو ماجيت مو ااحسن لك..!
ابو نوره:: قفل جواله وعطاه اياه..بعدها راح للخيمه ودخل عند بنته واللي ميته من البكاء وطلع ..!

ابو نوره :محمد اذبحها وهي متغطيه لاتكشفها وربع ساعه وااجي وندفنها سواء..!
محمد..لاتشيل هم انا متثلم وبقتل انسان فاضي لهذي السوالف خلصني بسرعه لازم بعد ساعه ونص اكون عند الشباب...!
ابو نوره..مشى بسرعه وسوا نفسه طلع لكنه تخفى شوي بيتاكد من انه قتلها ..!
دخل محمد ع نوره اللي ميته بكاء ووبدون ادنى شعوره وجه لها المسدس..!
ابو نوره كان ينتظرويحاول يتسمع الا وقطع صمته صوت صرخه وبعدها صوت طلقه ناار..!
فعز الهدوء اللي اطبق ع المخيم طلع محمد وهو يسحبها لبرى وهي ساكنه ماتتحرك ويدور (مجرافه )اللي يحفرون فيها التراب ..التفت محمد الا لمح ابو نوره ..!
صرررررررررررخ محمد: ..........!
نهايه الفصل [1]





  رد مع اقتباس
قديم 26 - 5 - 2012, 02:42 AM   رقم المشاركة : [ 2 ]
» لهُـ بصمَة فِ المُنتَدىْ «
 


افتراضي رد: رواية صرخة جنين في رحم عذراء

الفصل االثاني .......!


صررررخ محمد :واقف لي عشان تتاكد تبي تضيع الوقت علينا هذي هي ميته قدامك..!
وجه له المسدس وين المجراااف ..........!؟
ابو نوره واللي عيونه ع نورهاللي متمدده قدامه مااقدر يوقف الدموع اللي نزلت من عيونه دموع قهر او دموع وداع..او دموع فلذه كبده اللي فضيحتها لاتتغتفر....!
محمد:دموع التماسيح ذي مابيها انا واحد قلبي حجر خلصني وين المجرااف ..ابو نوره:بتنهيده عند مكان الناار...!
مشى محمد وهو موجه المسدس له يلا ااجل روح جيب لي المبلغ.....!وقسم باللي رفع سبع سموات نص سااعه ماتجي مو طيب لك ..!
ابو نوره : مشى وهو منزل رااسه وبدون مايرد ع محمد..
ماكان يهمه شي بذي االلحظه مشااعره اختلطت داخله ركب سياارته وهو يشوف محمد داخل بيت الشعر عشاان يحفر قبر بنته...
حرك سياارته بسرعه...وكان يسمع صوت نوره بكل مكانحوله :يبه يبه والله مظلومه..!
يبه انا ماسويت شي يتذكر شكلهاوهي تبوس رجوله وتحلف اانها مظلومه..!...كان صدى صرختها وطلقه المسدس يتردد ع ااذنه...صارت دموعه تنزل..!
تذكرى لو تركها تعيش ..بفضيحتها ..تذكر كلام الناس تذكر كيف راح يمشي وراسه بالارض..!
مسح دموعه وهو يقول بدااخله هي غلططططططت وتتحمل اللي سوته..الضرس لاوجعني وتعفن قلعته ونوره قلعتها ااخفيتهاا خلالالالاص.......!


بعد ساعه

محمد واقف عند باب المخيم ويطالع ابو نوره اللي جاي ع سيارته من بعيد..!
وقف ابو نوره وقعد يطالع بمحمد اللي ثوبه عليه دم...!

ابو نوره وعلامات الخوف باينه عليه المحطه بعيده مره..والصرافه متعطله يادوب لاقيت صراافه وجيت طيران
.

.محمد بعصبيييييييييه ::لايكثرر عطني المبلغ بسرررررعه ابو نوره عطى محمدالمبلغ ورمى عليه محمد جواله....
ابو نوره دخل المخيم : بيروح يدفنها سمع صوت محمد يقوله ترى دفنتها باخر مكان شفتها فيه..!
مشى بسرعه ابو نوره شلون تتدفنها ليش ماانتظرتني...!
محمد يصرخ :لاولله منقلع تدور لك صراافه وتبيني اجلس جنب جثتها ..ليش بايع عمري اانا
ابو نوره ..سكت ومشى لنفس المكان اللي اخر شي شافها متمدده فيه..لكنه انصدم بمنظر القبر اللي تساوى مع الارض ..!
محمد..!كشى ورا ابو نوره وشافه وهو يطالع القبر باستغراب..
محمد: شفيك تطالع قبرها ..!موعاجبك والا تبي احط عليه علاماات..!
ابو نوره بانكساار..!لابس بصلي عليها..!
محمد:اللي زي الاشكال ذي مايتصلى عليهم ...وجه له المسدس خلصني اشوف يلا ورني عرض اكتاافك..!وان شفتك هنا..!لاحشى رجلينك..
ابو نوره :واغراضي اللي بالمخيم..! محمد مافيه اغراض لك الحين بسرعه اشوف تقلع لاقسم اذبحك مثل بنتك وادفنك جنبها ...........!
خااف ابو نوره وبسرعه طلع من المخيم واخر نظره شاف فيها محمد وهو جالس ببيت الشعر
ويشب الناار..!!!ابو نوره... وش هالقلب وله مزاج بالقهوه ..وهو ع بعد 8امتار جثه مخلوق تحتالارض.............!!!آآآآآآآآآآآآه ياارب سامحني ع اللي سويته لكن هذاذنبها وتتحمله...!
تتحمله تتحمله....!حسان نوره تصرخ ..وتناديه صار يقاوم هالشعور ويتذكر كلام الدكتور..!وموقفه بالمستشفى..! داس ع البنزين ومشى من المكااان بسرعه اختنااق حسسه اانه بمقبره...
.محمد ماان لمح ابو نوره سيارته اختفت بالطريق ومرت ربع ساعه عروحته
انطلق بسررررررررررعه الى .........



×××



حمد وهوجالس ع الكنب :هيفاء حيااااتي روحي..هيوووووونتي..!
هيفاء:احم ياعيونهاا وقلبها.!
حمد:يالبى كلك..وينك وين رحتي..!
هيفاء وهي تنزل القهوة جهزت لك القهوة ورحت اشوف العيال وينهم..!
حمد:وهو يطالع بعيونها ويبتسم دام القهوة من يدك ياويل حالي اخر روااقه..!
هيفاء وهي تبتسم ههههههه بعد قلبي والله..!
حمد:ع طااري وين العيال؟؟؟
نوره: فيصل بدوامه واحلام ع اللاب توب وميمو الدلوعه تكلم بالثابت..
حمد:يارب تحفضهم وتوفقهم ياارب..!



(حمد عمره 46تزوج وعمره 18من هيفاء حمد مشرف صيانه بشركه الكهرباء راتبه يادوب يغطي حاجاات عائلته طيب وقلبه طاهر عااش طول عمره يتيم توفت امه
وابوه يومراحوللحج وتربى عند عمه اللي عذبه وماافتك من ومن عذاابه الا يوم تنازل عن حصه ابوه من المزرعه..وطلع من بيت عمه وراح يدور له شغل بالقصيم ..
هيفاء تزوجت حمد صديق اخوه محسن وكاان وقتها عمرها 15
ابوهاتوفى قبل زواجها بثلاث سنوات كان يباشر حريق بالدفاع المدني..!اما امها اولماولدتها رمتها ع اابوها هي وااخوها محسن وطلبت الطلاق عشان تااخذ ولدخالتها الغني...!)
عيالهم فيصل عمره27دكتوركان يشابه ابوه بملامحه كان اسمر وومملوح ....احلام 19سنه ثاني انقلش نسخه امها ملامحها عاديه جدا لكن عيونها وسيعه وحلوة وبيضاءوشعرها طويل وكثيف اسودلنص ضهرها...ميهاف..18سنه كانت دلوعه العائله ..خذت من امها وابوها.بشرتها .برونزيه وشعرها لنص ضهرها ولونه رمادي ع اشقر<< صابغته وعيونها فوق انهم وساع كانت رسمته حلوة شفايفها مرسومه ومليانه باختصار ميهااف مززززه حلووة اقوى شي .. )



×××
تركي..يمه اخذتي ابرتك ...!
ام تركي..ايه ياوليدي اخذتها الحمدلله الله يعين..!
تركي:الحين شلونك......!
ام تركي :ماعلي زينه ياوليدي..!
تركي وهو يغطي امه اللي تبي تنام.. :ياعله دوم انتبهي لنفسسسك يايمه..!
ام تركي عساى ربي مايخليني منك...
(تركي عمره22اخر سنه من قسم الهندسه..!طويل وابيض ووسيم ..!
ام تركي عمرها 50ومتوفي زوجها بعد ماجابت منه تركي ومنى 21اخر سنه بالجامعه قسم اانقلش...!بيضاء وملامحها بريئه وهاديه نااااعمه الى ابعد حد...!
عائلتهم ع قد حالهم ...وضعهم االمادي صصصصصصعب جدااااا.......!
×××
مازن (لابس جنز سكيني وتي شيرت ابيض..وشعره الى بدايه كتفه ومققص تدريج وعشوائي ..ملامحه عاديه جداا....لكنه خكري ...!(
دخل الفيلا ولاقى ربى قداامه......!
مازن وهو يعلك االعلكه بدلع:هاااي بربر ..!
’’’
(لابسه بجامه بررمودا بنك وشعرها لنص كتفها ..ملامحها ملامح هنديه..العيون واسعه..
البشره برونز..الشفايف صغيره..نوعا ما حلوووة لكنها اللي يميزها برائتها واناقتهارغم عمرها 18سنه الا انهابريئئه وملامحها تشع اانوثه وبرائه..!)
ربى وتطالعه بنظره حاده :بربر بعينك..!نادني روبي لو سمحت..!
مازن وهو يضحك ويحط يده ع فمه..!ههههههه يمديك ع هيك دلع..!
ربى ..اايون..بعدين وش المتلوب (المطلوب)<<نبره دلع...!!
مازن..سلامتك بس قلت اسلم..!
يوم جاء بيصعد الدرج ..بيروح غرفته...
نادته برى مزون مزون....!!
التفت مازن عيونه...
ربى..واه يمديني ع عيونك تسلم لي
مازن :ربي يسلمك امري..
ربى ::Are you hungry.. I'm hungry..!(انا جوعانه..انت جوعاان )
مازن.. Yes, very hungry(ميييييييت من الجوع...)



ربى وهي تبتسم وتحط يدها ع كتف مازن شرايك نتعشى انا وانت برى ابوي نايم وامي طلعه
وندى طالعه.......!!بليييييييز مزمز شراايك......!



مازن..اممممممممم اممممممممم اممممممممممممم اوووك
ربى وهي تنط وه يالبيى يلا ثواني البس واجيك..!!
بسرعه لبست ولبست عبايتها وطلعت مع اخوها مازن ...!



ربى وهي معصببببه: بشويش لاتسررررررع....!
ماازن اللي مطول ع اغنيه شاكيراويسوق ويتنكس...!
ربى ماااااااااااازن وصاارت تصاارخ عليه لاتسرع هدى السرعه.. تذبحني وياك..!



ماازن وهو يصرخ عليها ::ااااف وش هالبايخه .اسكتي ترى اذا ماسكتي لاسككر الميوزك..
ورجعك للبيييييييت ...!



ربى: لاتسرع طيب شوف الطريق كيف زحمممممممه........!
شوي الا ...يكبس عليهم.........؟؟؟؟




××××
ميهااف وااقفه ع راس احلام اللي جالسه ع الطاوله وتطقطق باللاب.. :احلام متى بتخلصين من اللاب...!
احلام وبدون ماتطالعها :مادري...!
ميهاااف ::اوووووووووووف متى يعني .........!
احلام :قلت مدري ............!
ميهااف وتنسدح ع السرير..احلام اسمعي الحين الساعه 8 انا ابي اللاب قبل 10 عشان بقراء لي رواايه...
احلام::اقريها بكره يعني حبكت اليوم تقرينها.........!
ميهااف..ياربي الرواايه حلاتها بالليل..جوها غير..تقرينها واانتي متعمقه.........!
احلام :ماردت ع ميهاااف ..!
ميهااف بعصبيه الشرهه علي اافف حياه فقر نتهاوش ع لاب وااحد ااااااااااافففففففف
خلالالاص ماابيه بخمد .ميهاف قامت وطفت النور .....احلام ::هههههههه عوافي..!
ميهااف :تلايطي بس مالت...!تغطت ونامت...!



مااصدق اان ابو نوره يمشي من عند المخيم كاان خاايف ان ابو نوره يترقبه ...انتظراو مااانتظر ..............!!الوقت يمشي بسرعه..كل دقيقه تمشي من عمري....!ومن عمر المخلوق اللي بالسيااااااره.......!
مشى بسررررررعه باتجااه السياره كان الظلام مطبق ع لمخيم ويادوب الاناارهالخفيفه اللي تنور ع بعض زوااياه .....كانت انفااسه سريعه سريعه وكل خطوه يحس اان شخص يتقربه ويمشي ورااها..........ركض بسرررررررررعه.......!يعتقدان بهذي االلحظه..انو العاالم عرف عن جريمته......!..ماخااف ع نفسه كثرمااخااف ع نوره....!
ياترى مااااااااااتت او لا.............!ركض باتجااه سياارته سااعتين وهي بالسياره لايكون صاار لها شي ...........!لاانا فاتح الشبابيك لكن لايكونااغمى عليها لايكون وصارت خطواته تتصاارع مع نبضاات قلبه...اللي مورااضيه تهداء ......!



اصوات الكلاب..الظلام اللي يلف المخيم ..الهدوء اللي سااكن ع ااغلب المخيمات اللي حوله..ااحساسه اان ابو نوره يراقبها ...
منظرررررررر مرررررررعب جداا وبنت ضعيفه خباها بسياارته ياترى وش مصيرها ...بتموت والابتعيش...!صار يسال نفسه لا مااراح تموت ...! مااصابتها..!لكن لها ساعتين ولاصوت ولا همس سمعته...!
معقووووووله صار فيها شي......!
صاار يركض ونبضاات قلبه تتساارع مع خطواته..انفاااسه سريعه...!
والعرق يتصبب من جسمه..يحس العالم يشوفه بهذي اللحظه..متصور باي لحظه راح يمووووووت.......!محاوله قتل..او يمكن تكون جريمه قتل حتى لو بينتلهم...لالا مستحيل اكيد هي بتعيشششششش..!




وقفت رجلينه عند سياارته.كان مرعوب والرجفه تسري بجسمه يبي ااحد يطمنه عليهاااحد يقوله انها بخير..!لاصوت ولاهمس..!هدوء فضييييييييع..!
وظللللللللللللام جوا السياره...ّ.....!فتحها وصار يقرب نور الجوال ....وشششهق ..........!




نهايه االفصل الثاني ..




  رد مع اقتباس
قديم 26 - 5 - 2012, 02:45 AM   رقم المشاركة : [ 3 ]
» لهُـ بصمَة فِ المُنتَدىْ «
 


افتراضي رد: رواية صرخة جنين في رحم عذراء

الفصل الثالث...!

كان محمد مخليها تتخباء بمكان الراكب تحت عشان محد يشوفها..!!
شهقققق لما مالقاها توقفت الكلام ع شفااهه..الظلام مومخليه يقدر يشوف شي بالسياره...مايدري هي وين راحت..!هي برى لسياره او داخلها..!
محمد: نوره نوره صار يناديها بدون شعور.!!!! .التفت وراء لقاها ضامه
نفسها ومتخبيه تحت وحاطه راسها ع كنب السياره وترتجففففففف

من الخوف والرعب ..!
نبضات قلبها تتساارع مع سرعه انفااسها ...!
محمدواللي تملكه الرعب ويحس الموت قريب منه

وانفااسه سريعه وحالته صعبه يحس انه بيلتفت وبيلاقي ابونوره وراه...!!!
محمد:نوره انتي بخير نوره ردي علي انتي بخير..!؟؟
نوره ع وضعهاا ترتجف وانفاسها سريعه..! ومايسمع الا
صوت شهقات مكتومه.. !
محمد ركب السيااره وكان خاايف انو ابو نوره يراقبه او يتنبه له موعاارف
وش يسوي لها..!افكااره ضاايعه ..الموقف صعب البنت ماترد عليه ..
وخاايف يكون ابوها رجع عشان يرااقب الوضع...!
خاايفه انو البنت يصير لها شي ..!!!
محمد :نوره ابوك راح وانتي الحين بامان والله بامان ..
انا عاارف انك خاايفه مني لكن والله حرمتك مثل حرمه اختي ...
والله ماراح اسوي لك شي ..! بس ردي علي انتي بخير ...
نوره:............
محمد :نوره انا ماكشفتك ولاحتى شفتك ..وماابي الحين اكشفك ااشوف

انتي بخير او لا يرحم اللي خلفوك اذا بخير قولي اانا بخير الوقت مومن
صالحي ولاصالحك..نجلس هنا.....!وضعنا صععععععب والله صعب.,..!
نوره واللي جالسه تقااوم نفسها ورجفتها والخوف اللي فيها واللي صوتها

يصرخ فيه الف اااه وااااه نفسها تموت ياخذها الموت ولاتكون تحت
رحمه شخص ماتعرفه.....!!!وقف تفكيرها ع كلمه (انا ماكشفتك ولاحتى شفتك ..وماابي الحين اكشفك ااشوف انتي بخير)( انا ماكشفتك ولاحتى شفتك

..وماابي الحين اكشفك ااشوف انتي بخير)
وببصوت خاافت مبحوح بان فيه الارهااق والتعب اللي صابها...!
نوره: ااان ان انا ببب بخي ي ي ر وقامت تبكي وتبكي ..!
محمد :نوره لاتبكين انتي بامان هدي نفسك لايصير فيك شي وابلش فيك ..

لااتخافين انتي اامانه برقبتي والله العضيم ماراح اسوي لك شي ..وحلف بربي
ماراح اسوي شي لك..!
الحين بحرك انزين!! وخليك بمكانك لحد ماامسك الخط العاااام وبعدها تعدلي

...!كل اللي ابيه منك تهدين
نوره : ..........
حرك محمد وطلع من البر وكان يمشي باقصى سرعه له ماركز ع البر

وع الطريق كان همه بس يطلع من الطريق الصحراوي ويممسك
الطريق العام..!!! لحضاات بين الخوف والرعب والصمت اللي حبس
انفاسهم اختلط فيه ظلام اليل ..شهاقت بكااء نوره .انفااس محمد السريعه...!
محمد:نوره تعدلي الحين الوضع صار ااامن..!الحين ااقدر اتطمن...!
نوره تحركت بصعوبه وقامت بثقل تحااول تحرك رجولها اللي خدرت

من طول جلستها ..
قاومت لحد ماجلست ..!
نوره قطعت صمتها وهي تبكي منهاره..!
نوره : محمد تكفى سالتك باللي رفع سبع سموات وطمن سبع سموات
لاتسوي لي شي..!
تكفى تكفى انا خااااايفه والله خااااااايفه تكفى تكفى تكفى ...!انا والله مظلومه
والله اني اعتبرك اخوي رغم اني بنظرك ااحقر واذال من اكون انسانه لكن
والله مظلومه..
والحين مالي ااحد ضعيفه ولله ومكسوره الله يخليك لاتسوي لي شي..!
؟تكفى ابوس يدك لاتسوي لي شي...!
وصاارت تبكي تبكي وانهاااااااااااارت ..!
محمد:نوره هدي وبلييز كافي دموع والله كاافي نوره عشاان اريحك انا دخولي
للمخيم مو صدفه ..اانا دااخل عشاانك ..! وادري اانك موعاارفه وين بوديك
ووش حالك ؟؟تطمني تطمني..!كل شي راح يتسهل..!
قاطعته نوره وهي تبكي : شلون موصدفه .؟؟؟..؟شلوووووون ..!!
قاطعها محمد :كل شي بتعرفينه بس لاتستعجلين ........!
طلع محمد جواله وفتحه بعد ماكان مغلق..!
محمد:الحين بدق ع خويي عشان الحين بنمسك طريق الاسياح

صعبه بدخل بريده بسيارتي ذي موبعيده
ابوك عاارف رقم لوحتها موبعيده يكشفني وبعدين..قطع كلامه

صوت جواله.......!
نوره: تبكي ماكان قداامها الا الدموع هي الحين معاه وبامكانه يسوي

أي شي حست اان محمد يكذب بكلامه مومستوعبه حالها ...!

محمد:الو هلا.
؟؟ :..........
محمد:والله ااسف مافتحت جوالي االا بعد ماتطمنت

الوضع كان صعب شوي..
؟؟ : ............
محمد: لا هي بخير الحمدلله تطمني والله بخير..!
؟؟: ..............
محمد:ااافا عليك انا قلت لها حرمتك مثل حرمه ااختي وهي ااماانه معااي..!
؟؟:.............
محمد:الحين لا صعبه ادخل بسيارتي ببريده ..لسا ماكلمته مالي

الا ربع ساعه محرك من المخيم
؟؟:...........
محمد:خلالالاص انا اادق عليك بعد شوي..!
؟؟: .........
محمد:باي
نوره رغم دموعها اللي ماوقفت ورغم تعبها كانت متفاجاه من اللي متصله

مين هي ووشلون محمد يقول دخولي مو صدفه منو اللي عاارف باللي صاار ووشلون؟؟؟؟؟؟؟؟ كانت الالام تسري بجسمها مثل طعن السكاكين
ووالبكاء هد حيلها كان شعورها مؤلم وووصعب ضياااع ووين بتروح..
؟؟!نجت من الموت وانتقلت لموت ثااني
فوق النقاب غطته عيونها بطرحتها ومدخله يدينها جوا عباتها تحااول قد

ماتقدر تضم نفسها لنفسها
مستسلمه للقدر وين بيوديها؟؟ منهااره لدرجه ماتقوى حتى تتكلم

مصصصصصدومه لدرجه صارت تساوى كل شي عندها الخوف يرجف
بضلوعها بسياره شخص ماتعرفه ..هاربه من ابوها لشخص غريب ..
تمنت ان الرصاصه تقتلها ولاتحس بشعور الخوف هذا ولاتتخيل انها بالهموقف..!اصعب شعور لما يحس الشخص بالاهاانه والظلم والانكساار والضيااع ويكون تحت رحمه شخص غريب...!
بلجه وزحمه افكاارها المتشتته سمعت محمد..
محمد: هلا سطام اسمعني تعال لي بمحطه الزاهر بسرعه
سطام:...........
محمد: لا بس بقولك اذا جيت بس تعال .. بسررررررعه انا عشر دقايق

واكون هناك..!
سطام:............
محمد:اوك يلا باااااااااااي.......!
نوره وهي تبكي وتقاوم شهقات بكاءها
نوره: محمد وش ناوي علي كان ذبحتني ارحم حرام عليك والله حراام وتحلف
لي انا حلللفتك رجيتك اذبحني بس مااحد يقرب مني ..تكف...)

قاطعها محمد..!
محمد: يووووووه نوره شفيك وش قلت لك انا؟؟
سطام بياخذ سيارتي وبيخليها عنده بالاسياح ..وانا باخذ سيارته واروح للبريده..!
نوره:ووين بتوديني وييييين..ولميييييييييين ؟؟؟؟؟؟؟محمد اانا حلفتك بربي
لاتسوي لي شي ..!!
انا دخلت على الله ثم عليك مالي احد ولالي غير الله ثم اانت انا

موعاارفه وش مصيري ووين بروح
الموت ارحم من حالتي ذي والله اارحم..!
محمد:نوره انا عاارف انك خاايفه انا حلفت لك ولله والله ماراح اسوي

لك شي وعسى الله ياخذ روحي
بذي اللحظه اذا ناوي فيك نيه شينه اانتي ماتفهمين اقولك انا داخل

المخيم مو صدفه يعني بالعربي وع بلاطه
انا جاي من طرف وحده تقرب لك او تعرفك وهي اللي دقت علي تتطمن عليك وتحلفني ماااسوي لك شي
نوره تقاطعه:مين هي .........؟ميييييييييين؟؟؟؟انا مالي اقارب هنا؟؟مين هي؟؟

محمد:كل هالاسئله هي راح تجااوبك عليهاا ..انا بس يجي سطاام وااخذ سيارته

بوديك لبيتها وبتعرفينها ..!
بس لاتكثرين اسئله ولاتبكين وخليك طبيعيه هذي المحطه قدامنا ....!!
نوره سكتت كانت بحااله ذهووووووول وصدمه ..منو االلي كاانت

عارفه وش بيصير لي مين هي مين ......!
تخبطت افكارها تشوشت اختلطت الاحداث بخيالها كيف وكيف ..
.وكيف.....!!
×××
وقف ياراعي اللمبرقيني (اللمبرجيني ).وقف لو سمحت ع جنب........!
ربى بنبره دلع : او ماي قاد شيبون ذولي .....!
طالع مازن وراء بيشوف.. مازن: لحووووووووول وش يبون ..!
ربى وهي تطالع لورااء : منهم ذولي ؟؟
مازن وهو يتأففف : الله يعينني ع لجتهم!!
وقف مازن والميوزك عالي يرج السياره....!!
نزلوا ثنين من رجال الهيئه...!وسلمواعلى مازن وهو جالس
بسيارته مانزل..!!
ابو اسامه : انا ابو اسامه وهذا ابو احمد..!
مازن يطالعهم باستحقار..!ومارد عليهم..

ابو اسامه:ممكن بطااقتك بس بشوفها
مازن يطلعها من الدرج ويعطيه اياه بيثبت له انه موهامه شي ..!
ابو اسامه:مازن ناصر ال قراء اسمه ثم عطاه البطااقه..!
ابو اسامه: الله يجزاك خير ممكن ياولدي تقصر ع الموسيقى ..!
مازن وهو يعلك العلكه ويطالع ابو اسامه بقرف : اوووف وقصرنا عليها وش المطلوب..!
ابو اسامه:الله يجزاك خير ويهديك ويصلح بالك..ممكن تنزل بنتكلم
معاك شوي ..!
مازن واللي وااضح من علامات وجههة ماله خلقهم : اعذرني الجو حاار
عندكم شيء قولوه الحين مره مشغول..!
ابو اسامه : اللي يريحك ياولدي..لكن الله يهديك مشغل الموسيقى ع

اعلى شي وانت تدري انها حرام
وتعرف حكمها وتعرف وش مصير اللي يسمعها ..والشارع موملك لك
وانت كذا تضايق غيرك...!!
اذا ربي بلاك بسماعها لاتبلي غيرك وتكسب اثامهم ..!!
مازن وهو معبس ويطالع فيه بنظره حاده : خلصت يابابا..!
ابو احمد وهو معصب ويطالع مازن بنظرات حادهواللي نفسه يقوم

ويتوطاء ببطنه

ابو احمد: من باب الادب والتربيه ترد ع شخص كبر ابوك باحترام

..!ماترد عليه بالطريقه فهذا يعتبر من قله
الادب,,واذا نعومتك مخليتك كذا فيه توقيف يطلع رجولتك.......!
ابو اسامه وهو يطالع ابو احمد : خله ياابو احمد هو بحسبه ولدي..!
ومااراح اتضايق منه..!
مازن:ههههههههههههه تطلع رجوولتي تصدق موتني ضحك.لاانت و
لا عشره من اشكالك يحطني بالتوقيف
ربى واللي خافت من الموقف ..!

ربى : مازن خلاصصص مونااقصين ترى..!!!
بتشوهة سمعت ابوي لاتحارشهم..!تكفى خلاص...!
مازن ويلتفت عليها وهو معصبب : اشدخلك خليك ساكته ااشوف منو
سمح لك تحكين..!
ابو احمد وهو معصبببببببب:لااتتحدى وقسم بالله.....؟
قاطعهم ابو اسامه:اذكروالله ااذكروالله و طالع بمازن...!
ابو اسامه : ماازن ياولدي يابعد عمري
اسمعني شوف انا معتبرك ولدي وعاارف ان كلامي مستحيل بيروح عبث..!
لاني ادري الانسان مهما عاش وتغير طبعه ووماال عن الطريق الصح..
فيه بذره صالحه من يولد الانسان يولد ع الفطره وفيه خير..!
انا وقفتك عشاان الاغاني اللي راافع صوتها ع الاخر ..وكلمتك فيها

لكن استغربت من نعومتك االزايده..!
مازن يقاطعه وهو يضحك بسخريه : لايكون شاايفني حاط ميك اب ولابس

فستان وصابغ شعري هاي لايت ..!
ابو اسامه :انا ماقلت انك جنس ثالث اذا هذا قصدك.. اساسا لو جنس ثالث
تعتبر شاااذ بالنسبه للمجتمع
وراح توقف وتسجن مااتتعاااااالج من شذوذك ..!
مازن: اجل شنو ..!يامطوع<<يحاول يستفز ابو اسامه..!
ابو اسامه: انت فيك نعومه ..ويمكن يستغلونك اصدقاءك بغرض سيء
ويخلونك تنقلب جنس ثالث...!
ماراح افتح لك محااضره طويله عريضه لاننا بشارع عاام بس انتبه من الاصدقاء

اللي يساعدونك عشان تفقد رجولتك..وياخوفي تنقلب بيوم جنس ثالث بي لو
فكرت تصير شااذ؟؟ اسال نفسك وش مكتوب جنسك
بالبطااقه ؟؟؟شوف بطاقتك وشوف نفسك..!واابي تتذكر شي واحد دايم قول
الرسول عليه الصلاه والسلام:

(لعن الله المتشبهين من الرجال بالنساء ولعن الله المتشبهات من النساء بالرجال...) واللعن طرد وابعاد من رحمته يعني بعد عمر طويل لو تموت باي لحظه
ماتدخل الجنه.........!!والرجال ياابو ناصر برجولته بشجاعته بافعاله..
باخلاقه..مو بشكله وبلبسه وشياكته..
واعذرني اذا كلامي ضايقك..!بس والله اتكلمت الا من خوفي عليك...
والله يصلحك وين ماتكون...!
مشى ابو اسامه بدون ينتظر أي رد من ماازن...! ومشى ابو احمد وراه...!
ابو احمد:المفروض مانخليه يمشي نجيب ابوه يعقله وش ذولي النااس لاتربيه لااخلاق..!
وفوق ذالك قله ادب.
ابو اسامه:اول مره امسكه ننصحه ثاني مره يكون له عقااب
الله يهدديه وهو باين انه صغير محتاج توجيه بس..!
حرك مازن بدون مايرد..!
ربى : اوووووه كنت مااسكه قلبي لايصير شي......!
مازن: .......... رمى العلكه..!ومارد ع ربى ..!
ربى: شفيك ساكت..!
مازن: قاعد افكر بكلامه. .تصدقين يوم نادني ابو ناصر قسم شعور
لايوصف..!
ربى: من جد صراحه ابو اسامه اسلوبه وكلامه ذوق ومحترم ..
اما ابو ناصر هههههه تخيلت انك اب..!
مازن :لاتخيلت ان لي اب احس بوجوده ..!
ربى حست بالالم من كلمه مازن..وعاارفه احساسه وشعوره..
ماقدرت تتكلم واي جواب راح تجاوبه وهي تعيش نفس الشيء و
تتشترك معااه بنفس الشعور..!!
قطع تفكيرها صوت مازن:خلينا ناخذ عشاء ونتعشى بالبيت جد

مالي خلق اطلع.....!
ربى حست ان مازن متضايق ..! وصدره ضااق..!خصوصا انه

اخوها الوحيد وااصغر واحد..!مااحبت تشوفه
كذا متضاايق وهي تدري وش سبب ضيقته..!
ربى :مزمز لا تدري بوناصر كح كح مااقلد ترى ..!
انت وعدتني ووعد الحر دين ..!
ابتسم ماازن: وانا عند وعدي..!
ربى :ياناسووووه فديته اخوي..!
ماازن ابتسم..اماربى كانت تطالع مازن وهو يسوق ..!
تفكر بالكلام اللي قاله له ابو اسامه..كيف حوار بسيط..وكلمه
(ابو ناصر)خلت مازن كذا ..!

×××
ركب السياره وبدون مايلتفت عليها مد لها الكيس اللي فيه عصير وماء ..
محمد:نوره اخذي الكيس ..!
نوره:مشكور مابي شي..!
محمد:اخذي المااء وبلا دلع لوو تطحين علي والا يصير فيك شي

ويهبط ضغطك وش ااسوي فيك ..!
قدري الوضع شوي .....!
نوره حست بنبره صوت محمد انه معصصصصصب اخذت الكيس..!
مسك محمد جواله ودق ع سطام...
محمد:هاااااه وينك.؟؟؟؟؟؟؟
سطام:......
محمد:انا واقف عند المحطه عند الورشه.. حاول تسرع شوي..!
سطام:......
محمد :يلا باي وسكر جواله




  رد مع اقتباس
قديم 26 - 5 - 2012, 02:47 AM   رقم المشاركة : [ 4 ]
» لهُـ بصمَة فِ المُنتَدىْ «
 


افتراضي رد: رواية صرخة جنين في رحم عذراء

مرت عشر دقايق صمت ..!
محمد لما سمع صوت علبه الماء وهي تفكها حسها بدات تهداء كان نفسه
يسالها سؤال يهمه....!
اما نوره وهي تشرب الماء تحسس ان جوفها ناررتحرقها وان الماء وهو يبل
ريقها وينزل لداخلها
مثل الماء لما ينزل ع الجمر ويتبخر ..!تحس اانها ماتشرب ماء بارد من
الناار اللي تغلي جواتها.. كان التعب يسري بجسمها خوف ورعب وجسد
هالك ودموع موراضيه توقف مهما قاومت ومسحتها ..!كانت حالتها مره مؤلمه....!صعبه تكسر الخااطر وتبكي القلب القاسي...!
محمد : نوره (قالها وهو يطالع بجواله وينتظر اتصال من سطام) نوره
اتوقع اانو حالتك ااحسن من قبل..!كان فيه سؤاال مشغل تفكيري وشال افكاري ومخليني بحيره...انا ماراح اسالك وش صار وليش ابوك سواء كذا اواو؟؟
لكن محيرني سؤال واحد ليش ابوك بارد بمشاعره بهالموقف..يعني
انا صراحه لو مكانه وبنتي معاها فضيحه وجايبه لي مصيبه مو بشبعها
ضرب بمسح فيها الارض بشبع غليلي فيها بضربها لين اشوف الدم يسيل
من جسمها مااموتها بمسدس والا اخنقها زي ابوك لا اضربها لين تطلع
روحها..لين يغمى عليها اذبحها وادفنها ولادمعه تنزل مني .......!ل
كن ابوك..ماادري صرااحه الشيء الوحيد اللي امني عليه كان ماايبني
اكشف عبايتك واذابحك بدون اشوفك..!!ومدري كيف خلاني انا اذبحك
وكيف امني وكيف مشت عليه هالخطه...! شي مو خااش راسي..!
رغم اني توقعتها راح تفشل ولولا المسدس اللي معاي ماكنت تجرات
ودخلت المخيم لاني واثق مليون بال100 راح تفشل.......!
(محمد نسى نفسه وصار يتكلم من قهره لانه مهما وقف معها بالموقف
هذا مو دليل انه راضي ع العاار والفضيحه اللي مسويتها....)
نوره كانت تبكي وكلام محمد لها بهالموقف ...!حسسها انها وحده حقيره
رخيصه لاشرف ولا اخلاق.....وحده صايعه وبنت ؟؟؟..!
نوره وهي تصرررخ بصوت اختلطت فيه مشااعر الالم الظلم الاحسسسساس بالاهاااااانه صوت
صرخ في داخلها يقولها انتي بنظرهم تاااافه رخيصصه صرخت نوره
نوره وهي تصرخ:والله والله العضيم انا ماسويت شي ولااغلطت انا ماسويت
شي ليش محد راضي يصدقني ..؟؟
ليشش ليش ؟؟؟

محمد بعصبيه :قصري صوتك..!ترى حنا بمكان عاام شلون ماسويتي شي
ولااغلطتي وابوك بيذبحك...؟؟
نوره:انا مظلووووووووومه والله مظلوووومه عسى الله ياخذني ..انا
موعاارفه شي ..!
محمد:فرضا صدقت انك مظلومه وخششتها براسي رغم مستحيل بتخش
لكن ابوك ليش باارد يعني هل هو ماعنده غيره؟؟
والا غبي والا انك مو بنته؟؟صراحه ماافيه اب بيسوي كذا ؟؟؟
جااوبيني يانوره ليش تصرفاته بهالموقف
بااااااارده وشعوره مو االشعور االطبيعي اللي يحسه أي اب شاف شي ع بنته......!يعني لو اانا غبي
وعقلي فاضي بلاحظ شعور وتصرف ابوك..!

كان كلام محمد لنوره مثل النار اللي يزيدها حطببببب كل كلمه وكل جمله
خلتها تنهاار اكثر واكثر...
مااقدرت تقااوم انهياارها وبكائها اللي خل محمد يندم اانه سالها صوتها وهي
تبكي وتشهق حسسه انها ضعيفه ومكسوره وبكاها مو بكاء وحده
مسويه مصيبه ... حس بكلامها وبنبره صوتها قصه مخباه موقادر يعرفها..؟
ندم انه سالها وبنفس الوقت هو قاعد يعيش موقف صعب كان
هالسؤال يهمه اكثر من أي شي ثاني..

محمد وبنره هاديه : نوره جاوبيني ع هالسؤال وانا مااقصدي اضايقك
بس انا واانتي نعيش موقف صعب ومن حقي ااعرف..وو
قااطعته نوره وهي تبكي :لان ابوي مو صااحي ؟؟
محمد وهو مصدوم :كيف موصااحي؟؟
نوره وهي تبكي وتمسح دموعها:لانه تحت تاثير !!!سكتت نوره؟؟
محمد بعصيبه:تااثير شششششنو؟؟؟؟؟
نوره :تاثير الحشيش ابوي يتعاطى عشان كذا رحت بالسياره وراء اخااف
انه يصحى ويرجع لطبيعته وينقلب وحش ..؟؟؟
محمد: انتي شعرفك انه يتعاطى وانه يتعاطى حشيش بالذات..!
نوره : دايم اشوف بملابسه لما اجي اغسلهم..ماده نفس الصلصال
لونها بني بحث بالنت عنها لاقيتها انها اخف نوع من انواع المخدرات
ونوعها الحشيش وعرفت ان اللي
يتعاطها تحسسه بالنشوه والسعاده وبروده الاعصاب..وتخلي اعصاابه
تسترخي 7سااعات او 8ساعات وبس يرجع لطبيعته يصير عصبي و
مايتحمل أي شي ولاي سبب يثور..!عرفت بعدها انو ليش ابوي بالبيت
مرات لو تصير مصايب باالبيت مايسوي شي ومراات لو قهوته تتاخر
ضربني وكسر راسي.....!يوم خلص دوامه وهو راجع للبيت دقوا عليه
المدرسه وقالوا له اني تعبت وبالمستشفى ...!
محمد بعصبيه : يعني حشش قبل يجي للمستشفى ...!
اوسااااااااااااااكته.........!
سسسسسسسسساكته؟؟؟؟؟؟؟توك تتكلمين شسوي فيك شسوي فيك .........!
نوره : وش تبيني اسوي واالله ماادري شسوي بالموقف وبدات تبكي ..!
محمد: اخ بس شسوي الحين. هو ماراح يصحصح الا باخر اليل جرعه
الحشيش احيانا تاخذه اكثر من 9ساعات..!
كنت شاك اانه مو بوعيه ملامحه صوته عيونه تصرفاته كل شي
فيه حسسني اانه مو طبيعي...!
واانتي هنا منطمه وساكته لو ماسالتك مااجاوبتي ..
الله ياخذك كنتي بتوديني بمصيبه.!,,

نوره صارت تبكي وتبكي اكثر من قبل وضمت رجولها وحطت راسها
موعاارفه وش تسوي ؟؟!
استلمت للمصير اللي بيكون لها حتى الموت اللي خافت منه ماصار يهمها.
.تحس اانها تبكي الدم مودموع..!

محمد: قاعد تمشي ع رجولك قسم بالله ياسطاام 10دقايق بالكثير اذا ماشفتك هنا موطيب
سطام وواضح انه يصرخ بالجوال وووضح صوته لنوره : اطير يعني اطير .انا قريب من عندكم..!
محمد:10دقايق قلت..يلا بااي
سطام:......
محمد سكر من سطام ودق ع صديقه
محمد:هلا عمر
عمر:هلا وغلا ياخي وحشت...)

قاطعه محمد:اسمع بدون رسميات وووالخ فيه مخيم ابي تجي اانت وطلال
كل واحد يجي ع سيارته الهلي <<(دلع هاايلكس عند اهل القصيم)
عمر قاطعه:ليش..؟
محمد: عشان نفكك مخيم وناخذه المخيم اذا مااااخذناه خلال ساعتين راح علينا..!
عمر : مخيمنا يكفي..
محمد بعصبيه:أي مخيم خيمتين ونص عمدانهم متكسره ولا رواق ولاكهرب
ولاشي ..!مومخيم هذاك مسخره ..
عمر:ههههه اهم شي الاخلاق وح...)
قاطعه محمد :الحين انت فاضي تنكت...كلم طلال وبعد نص ساعه
الاقيكم ماسكين خط الطرفيه ودقوا علي عشان اوصف لكم..!
عمر:وانت طيب وينك..!
محمد بعصبيه:اانا بخلص لي شغله تبي مني نص ساعه وبسبقكم هنااااااك...!
عمر:طيب يابو الشباب ريلاكس روق يابعدي..ليه معصببب..!
محمد:يلا بااي انتظرك تدق بعد نص سااعه..!
عمر:كسحه محترمه طيب يلا بايووو..!
سكر محمد الجوال الا وسطام يكبس عليه....!
نزل محمد وانتظر لسطام لحد مااوقف وقعد يسولف شوي معااه...
اما نوره فكانت مررررررررعوبه الكلام ضاع ع شفاها وانفاسها سريعه.
موعاارفه وش رااح يصير لها ...!!
رغم حلف محمد لها موقادره تثق تقول بنفسها اذا ابوي بيذبحني الغريب بيرحمني..!مستحيل..!
شوي الا جااء محمد وفتح بابها صرخت نوره: وش تبي وش تبي ؟؟؟؟؟!
محمد:لاتصاارخين لااهفك بكف يطيرك..!امشي اركبي االسياره
وقبل تركبين عدلي طرحتك ونقابك ونفضي الغبار اللي عليهم وتغطي زين..!
موناقص اانا
نوره قعدت تبكي وهي تعدل نقابها خاافت من محمد وصوته وعصبيته...!
نوره:اذا معك بروح اذا معاه مو رايحه..الله يخليك لاتتركني.....
محمد كلمت نوره زلزلت قلبه وحركت مشااعره حسها طفل تايه ضايع
لقى شخص يحن عليه وتعلق فيه..!
محمد:وهو معطيها ضهره ويبيها تمشي وراه تطمني انا اللي بسوق ..بس بسررررررعه اركبي
راح سطام ع سياره محمد..للاسياح وااما محمد ركب سياره سطام
محمد وبنبره مععصبه و بدون مايلتفت :ليش راكبه وراء سواقك انا..
نوره بنبره خوف:ووووييي ي ي ن اروح بسيارتك راكبه وراء
محمد :تو كنا بالبر لو ركبتي بالحوض بكيفك الحين بنروح لبريده
عمرك شفتي احد يركب اخته او زوجته
او بنته او وحده تقرب لهورااء ..وقدام فاااضي حتى الغبي
وهو الغبي مايسويها....!
ماترككب وراء الا فيه سبب وحنا موناقصين بلاوي..اركبي قدام...
نوره:تكففففففى بتخبى تحت...
محمد:اقولك قومي اركبي قدام للعن خيرك التفتيش مايوقفون الا
الشباب العوائل يمشونهم خلصني اركبي قدااااااام

نوره خافت منه وهي مرتبكه ركبت وهي ترتجف وتغطي يدينها وتشد
ع طرحتها وتنزلها وتحاول تلزق بالزجاج ماتبي تكون قريبه من محمد..!
محمد حس بحركتها وكان يطالعها بنص عينه معقوله على خوفها وارتباكها
ذا وتحاول تغطي ايدينها
تكون وحده؟؟؟؟ يعني البنت الللي تكون ؟؟؟يبين من تصرفاتها
لكن ذي مادري...!! معقوله تكون بريئه
لالا مستحيل يمكن اكون تعااطفت معها ماادري هالبنت وش
سالفتها لكن مصيري بعرفها....
..!والله مااراح ارتاح لحد مااعرفها..!
نوره وهي تطالع الدم اللي ع يد محمد
نوره: محمد جرحك ينزف...!انا ولله اسفه والله ااسفه......!!..!
محمد وهو يطالع الطريق: لاتفكرين انه عشاانك لا عشان انقذ نفسي
لاني لو عاارف ان المسأله فيها قتل وماقتل؟؟ماجيت لحد المخيم توقعت
اراقب اعرف وين بيوديك ماتوقعت ان السالفه فيها قتل ..ليش مجنون
اجرح نفسي عشان وحده مدري وش مصيبتها.دامي خليت السالفه
كذب في كذب لازم احط دليل اني ذبحتك والجرح صغير وكله لعيون
........ وسكت محمد....!!
نوره سكتت كان كلام محمد قاسي لكن مو اقسى واصعب من حالتها
..كانت راضيه باي كلمه يقولها محمد..لانها عارفه انه بنظره ولاشي ماكان يهمها تعرف منو يقصد محمد يوم قال لعيون وسكت... كان يهمها وش نهاايه اليوم ومين اللي متواصله مع محمد عشانها وليش ووو؟؟!
وبعد ربع سااااعه كان الصمت هي لغه الموقف .......!

دخلوا لبريده ومن حسن حضهم لانقاط تفتيش وعدى الموقف ع خير بالنسبه لمحمد..!
نوره طول الوقت كانت سااكته مرتبكه خاايفه الرعب يسري بكل جسمها...!منهااره..كل موقف يخليها
تضعف اكثر وااكثر..!موعاارفه وش مخبيه اللحظاات الجاايه لها..!
قطع تفكيرها صوت محمد
محمد :هلا وغلا لا تطمني 5دقايق وانا عندك لا هي بخير
؟؟:................
محمد:ايه انتي يوم دقيتي كنت عند سطام ..وقلت لك ربع ساعه واكون
هناك وصرت عند كلامي...!
؟؟:......................
محمد:اوك يلا بااي.!
نوره موفاهمه شي الموقف كان بالنسبه لها سلسله من الاحداث لمرعبه موعاارفه
منو القريبه اللي سوت كل هذا عشانها وكيف عرفت..؟ومين هي ...؟ ضلت بداومه افكاار وعلامات استفهاااام في راسها..!!كانت الدنيا تلف فيها من كل صوب الالام تسري بعروقها..البكاء هد حيلها..متوتره والخوف ينبض في قلبها ..حست
اانها نهايتها قريبه
كل شي جوتها توقف عقلها ..افكارها..العبارت تااهت والحروف تجمدت
ع شفاهاا
وش المصير اللي بتجواهه ..ياترى محمد صاادق والا محضر لها مصيبه؟؟
ضاعت نوره بالدواامه.......!
وبعد 5دقايق وقف محمد :يلا انزلي ..!
نوره: ..........
محمد: انزلي شفيك يوووووه اخلصي قريبتك تنتظرك جو البيت ..!
نوره: ........
محمد :نوره نوره شفيك نوره نوره...!
نوره..............
محمد قرب منها بيتاكد هي بخير...! او لا
نادى عليها باعلى صووووت نورررره؟؟؟؟ردي علي شفيك؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


نهايه الفصل الثالث




  رد مع اقتباس
قديم 26 - 5 - 2012, 02:48 AM   رقم المشاركة : [ 5 ]
» لهُـ بصمَة فِ المُنتَدىْ «
 


افتراضي رد: رواية صرخة جنين في رحم عذراء

الفصل الرابع
محمد وعلامات الصدمه باينه ع وجهههه نوره ماترد
قرب منها حط يده ع كتفها وحركهايحاول انها تصحى ..!

محمد:نوره نوره نوره شفيك ؟؟
نوره:...........
نوره ماترد عرف انها مغمى عليها ارتبك موقادر يسوي شي
موقادر يكشف وجههها عشان يتطمن..!لحظات عصيبه
وكانت اللحظه ذي بالنسبه له.لحظه حيرررره وش اللي يسويه!!وكيف يصحيها..!

محمد مسك جواله وانفاسه سريعه والعرق يتصبب منه..!
قلق ارتباك حيره خوف..!مشااعر اختلطت جواته...!
محمد:الو افتحي الباب بسرعه...!بسرررررعه!!


وسكر جواله بدون مايسمع منها رد ...!
بدون شعور نزل من سيارته وفتح الباب اللي من جهه نوره
فتحه بشويش ..لانها كانت ملزقه نفسها ...احساسه يقوله نوره ماتت..!
نوره يمكن توقف قلبها..كيف بتتنفس..!وقتها محدود وووو...!
قطع محمد كل هالافكار المرعبه اللي ثارت داخله!!!!!
بدون شعور فتح الباب بقووووووه وشال نوره..بين يدينه مغمى عليها..
وركض وخش جوا البيت....

ماكان يهمه شي بذي اللحظه الا نوره مو حب ولا تودد لكن هو شعور
الرحمه اللي خلقه ربي فينا شعور الرحمه والعطف..!
كان هالشعور مسيطر ع احساسه خصوصا عااش معها لحظات مرعبه
صعععععععععبه مؤلمه ...!



×××
دخلت ندى الفيلا وصعدت الدرجات وهي
تحاكي لمى ع الجوال ...!
كانت لمى هي بالنسبه لها كل شي..!
رغم انها توها راجعه هي واياها من المول..لكنها ماتصبر عنها
هي كل شي كل شي بحياتها خصوصا ان اعمارهم متقاربه..!
,,
ندى:هههههههههه مع نفسك..!
لمى وهي منسدحه ع سريرها :من جد شرايك باللي قلته..!
ندى بعصبيه :لا وين مالي خلق بكره اروح توها باديه
الدراسه من اسبوعين ..!
لمى تضحك:هع هع اكوس شي نغير جو..!
ندى: بسبس<<ندى تدلع لمى.. اذا بتروحين روحي انا لا..!
لمى: كدوشي<<لمى تدلعها بكدوشي..!
ندى :عيوني وقلبي وروحي وحياتي امري تدللي ..!
لمى:وتصارخ وووووه وه وه لا وخروا
بتشقق هذا المستخدم في حاله خققققق هههههههههه
تصدقين ضيعت وش بقول ماانلام تاثير الخقه ههههههه
ندى:يالباك وشو؟ وش بتقول اخلص ..!
لمى:تلايطي وشسمه هذا طيب وش رايك بعد بكره نروح..!
ندى:ممممممم بعد بكره اوك عادي موومشكله.. المهم انا وصلت غرفتي
الحين بخشها وبغير لبسي وبحاكيك ع البيبي او فون يلا باي
لمى:با ...)
سكرت بدون تكمل لمى
لمى وهي معصبه :لعنه سكرت بوجهي.....!
ارسلت لها(مالت عليك<فيس يكششش ....يلا بنام لاتنتظريني
ماراح ارد عليك .....لو دقيتي)
×××
تركي وهو منسدح ع سريره اللي مثله وبعمره..يسهر ع الللاب او يدردش
ع البيبي قبل ينام او ع أي برنامج حق محاادثه او حتى يكون طالع مع اصحابه
او يسوي أي شغله من اللي يسوونها الشباب عشان يرفهون على انفسهم
لكن تركي ماكانت هالكماليات تلفت شعوره او حتى ماحلم يمتلكها..
كانت الهموم ترسمه ع صفحات الاللم..يطالع دولابه اللي من طلع ع الدنيا
وهو دولابه..يطالع الجدران اللي اثار الفقر لونتها...تنهد
وهو يطالع للسقف ومنسدح ع ضهره ..ضاع بين افكاره
امه المريضه واللي تروح ككل صبح لجمعيه عشان تشتغل مستخدمه..!
والا اخته اللي مهما سكتت الهم والالم باين بوجهها..والا هو اللي مكافاه الجامعه
لها شهرين ماجات..ٍاوسيارته اللي لها 3ايام بالورشه..!
او دوامه بالمول..اللي مايسوى ينذل ويتعب بسببه ومايستلمه الا يسدد فيه
البقاله ........تنهدتركي وبكل تنهيد يحس انها تعتصر قلبه
تركي:الله يرحمك يابوي ..مت وماشفتك..شفت بس الديون
اللي كسرت ضهري وضهر امي ..يارب فرجها يارب ...!
دق جواله n73 ..
تركي:هلا عبود
عبود:هلا فيك ..لاقيتك مرسل كول..!
تركي:أي رصيدي مخللص وخبرك ..البورش.. بالورشه..وقلت ابيك تمرني
بكره عشان نروح سواء للجامعه
عبود:هههههه ااي هي كامري وتكح كح.. تقول بورش
قول لكزس اما بورش قويه ع سيارتك صراحه..
تركي:ادري سيارتي كامري وكسره وملعون ابو جدها بس مالي غيرها..
عبود:هههههه ع قولتك اوك بمرك بكره ..!
تركي:ماتقصر يلا اجل مع السلامه..!
عبود:ولو مابينا شي يلا فمان الكريم...!
×××
بغرفه ناصر (ابو مازن)

ابو مازن يطالع ساره اللي جالسه ع التسريحه و تزيل المكياج ..
بنظرات حاده...وهو جالس ع الكنبه اللي بزاويه الغرفه..
ساره حست انه يطالعها والتفت عليه وهي تطالعه باستغراب..!
ساره:شفيك تطالعني كذا..!
ابو مازن بتطنز:ابد منبهر بجمالك الساحر..!
ساره:تتطنز..!
ابو مازن:تطنزت او ماتطنزت مو شغلك..انتي لمتى وضعك كذا
متى تتعدلين...!
ساره بعصبيه:وش فيني انا وش مسويه.!
ابو مازن بعصبيه :لا ترفعين صوتك..انا لمااتكلم صوتك مايعلى ع صوتي
فاهمه ..!كل يوم طالعه كل يوم برى البيت..!
متى تنتبهين لعيالك لبيتك .......!وش فايدتك بالبيت..!
ساره:انت دايم طالع 24ساعه ولاجيت اخر اليلل قمت تهاوش علي..!
وتبيني احبس نفسي بالبيت ..عيالك مو هم صغار..ولاناقصهم شي..!
كل شي يبونه يجيهم..!
ابو مازن قام ومشى لحد باب الغرفه وبيطلع: الله يكملك بعقلك..!انا واحد مشغول.
.!ونقاشي معااك ماله فايده لو بتتعدلين..تعدلتي من اول مااخذتك لكن سبحان الله
تجارتي واعمالي خلت السنين تمشي بدون مااحس..!وانتي هي انتي..!وصلت الناس
للقمر وتطورت وعقلك هو عقلك..
ساره:وش تقصد وووو.....)
طلع ابو ماازن وتركها بداومه كلاممه القاسي لها..كان يبيها تغير من حالها..!
تقلل طلعاتها..تنتبه لعيالها ..لبيتها..يبيها زوجه تفهمه ..تهتم فيه ..توقف تنتظر جيته
من الدوام..تطبخ له من يدها ..تلم عيالها حولها وتسالهم ..عن احوالهم..!
كان يحس انه مقصر بعياله لكن يبيها هي من تعوض النقص هذا..
اما ساره..ماكان يهمها شي غير وناستها ونفسها وشياكتها..رغم مرور السنين
الا ان طبعها ..واهتمامتها ماتغيرت......!

×××
ربى تشيك ع بريدها باللاب..وفتحت المسن..!
قعدت تضحك يوم شافت مازن متصل عندها...!لكن وقفت ضحكتها ع شفاتها
يوم شافت بروسنال(الرساله الشخصيه)
مكتوب( ياخوي ضايق ومدري وش مضيقني ...)
اوجعها قلبها ع بروسناله ..حست انه متضايق ...واللي اوجع قلبها اكثر
كلمه (ياخوي)وهو ماله غيرها وغير ندى ..!تمنت ان هي تتضايق
تشيل الهم ولااخوها الصغير يتالم ويتضايق ولااحد حاس فيه
رحت ربى لنك مازن تبي بس تعرف وش فيه او ع الاقل تغير جوه


ربى:هاااي يادميل وحاطه فيس مستحي..!
مازن مارد عليها لانه حاط في الخارج..!
ربى:ارسلت ندى اشاره تنبيه اكثر من مره وحاطه فيسات معصصصبه..
مازن:وجع وش هالتنبيهات خير وش تحسين فيه..!
ربى :شسوي يامزمزي مدري وينك..!
مازن:انا اكلم بجوالي وحاط في الخارج..!
ربى وهي تكتب لمازن..!
غير مازن رسالته الشخصيه وخلاها فاضيه مايبي ربى تقراها
ولايبيها تعرف وش فيه لانه ماتوقعها تخش المسن...!
ربى:مازن متى تناام!
مازن: وش عندك خاشه مسن..وانام متى ماغمضت عيوني هووووع
وحاط لها..فيس مطلع سنونه ..
ربى:هههههه فيساتك غبيه ..والله كنت اشيك ع البريد ومن باب الشرافه
خشيت المهم اسمع ..انا بنزل تحت بالحديقه وبنتظرك هناك خلالاص
مازن:ليشششش
ربى:اوم الغباء اللي فينا الحين مابيني وبينك االا 8امتار ونسولف بالمسن
الحديقه جوها روعه بسولف معاك طفشششانه يلا انتظرك
وسجلت خروجها وهي تدري ان مازن راح يجي للحديقه......!
وبعد 10دقايق مازن وربى بالحديقه..!




  رد مع اقتباس
قديم 26 - 5 - 2012, 02:48 AM   رقم المشاركة : [ 6 ]
» لهُـ بصمَة فِ المُنتَدىْ «
 


افتراضي رد: رواية صرخة جنين في رحم عذراء

مازن: جو الحديقه روعه وربي ...
ربى :ااي يريح الواحد تدري يوم نزلت شفت ابوي طالع ..!
مازن:..............
ربى:ليش ساككت..!
مازن واللي واضح عليه متضايق:واذا طالع اساسا متى عمره جلس ..
ربى:حرام عليك طول وقته بالشركه وهذا الوقت اللي يطلع فيه مع اصحابه
مازن:كبرنا وبنشيب وهو طول وقته مشغوووووول..!
ربى:مازن انت متضايق من ابوي,و ادري انك متضايق وشفت بروسنالك وربي عورني قلبي
لكن يامازن ابوي رجل اعمال يعني طبيعي مشغول دايم ولولاه ماصرنا بالعز هذا.
مازن واللي كلام ربى حرك كل مشااعره وخل الكلام يتسابق ع شفاته
والاحاسيس تتزحم عشان تثور ماكان احد يسمع له غير ربى ,,,!
مازن:انا مابي عز مابي فلوس مابي حياه ترف..!
والله ماابي ابي اب يحس فيني ..ياخذني معاه وين مايروح ..يسالني عن دراستي
يسالني عن طموحي..يوجهني ..يسولف لي عن ماضيه ..يجلس معاي بدون
مايشغله شي عني..اب اخاف منه اب احس بالامان لاشفته..

ربى:.............(كانت ساكته تبي مازن يتكلم ويفضفض)
مازن وهو يطالع للمسبح اللي قدامه ..وكان الهدوء وصمت ربى وسائل
كسرت حاجز صمته..وخلته يتكلم

مازن: يعتقد ابوي اني بكل اجازه نصفيها اني مبسوط
اننا طالعين برى المملكه..وانا مايهمني كنا بااوكلاند.والا مانشتر والابلندن
والا باي مكان..
كان يسعدني اننا سواء واننا نسكن بسويت واحد..
وربي شعور ماتتخيلين شكثر كان يفرحني انام واصحى وااحس
الكون كله يغني لي..!
ربى ماقدرت تتحمل كلام مازن اللي اوجع قلبها ..لانها قبل تسمعه من مازن
تحس بشعوره وباحساسسه ..ماقدرت تقاوم دموع ارتسمت بعيونها..!
ولاحتى قدرت تكتم الاهات اللي تصرخ بداخلها..!!
لحظات قاومت فيها شعورها وماحبت تبين لمازن شي ..!
ندى وهي تطالع بالارض:كلنا نعيش نفس الشعور يامازن..
مازن وهو يتنهد وبدون يطالع بربى ........
مازن:ااه شعور اليتم ايتام لكن بمرتبه 5نجوم. .وقسم ايتام ياربى ايتام بس اللي يفرق اننا ايتام عايشين بعز يعني نعيش نفس الايتام نفس شعورهم بالضبط شي يقهر ..والله يقهر

ربى:...............
مازن التفت ع ربى اللي دموعها تسيل ع خدها ..كان كلامه زي
السكاكين اللي تدخل..جواها.. حس بالندم هو يشوف دموعها
تقاسيم وجهها البريئه ..والدموع اللي تنزل كان موقف مؤلم بالنسبه
له مؤلم ..!
مازن بنبره حنونه:ربى حبيبتي والله اسف ماقصدت ..انتي جايبتني بتهديني
صرت انا اللي ازيدك والله ااسف..
ربى تحاول تمسح دموعها ولكن موقادره..!
قرب منها ومسح دموعها وهو يقول:والله حرام هالعيون الحلوه تبكي..!
انا اسسسف ..وقام وهو يحس بالالم يسكن قلبه ..صوره الحزن اللي
ارتسمت ع وجه اخته قدر يفسرها بدون ماتتكلم
راح لغرفته بدون مايلتفت ع ربى....ماكان يبي يحرجها اكثر او حتى يزيدها.!

×××
ندى ع الواتس اب ..تبي لمى ترد عليها لان لمى مقفله جوالها الاساسي..وجوالها هذا
الخااص دايم مفتوح بس ماترد ع مكالمات ندى..!
ندى ترسل:بسببس ميو..!وحاطه فيس بسه
لمى ماترد عليها..!
ندى ترسل...(ياحلو عطنا وجهه)..!!
ياقميل ياحلو يارايق..خل عنك التغلي.......!
لمى ماترد عليها ومطنشتها.....!
ندى صورت نفسها وهي منسدحه ع السرير ..
وارسلت بيت شعر
«`×ليتك تقول ابعد وانااقول لبيه...!
اهون علي من صده مالها اسباب...!
×

لمى ماقدرت تتحمل تتغلى ع ندى رغم انها تتغلى ورغم
ان ندى ترسل بيت الشعر من باب تستعطفها ترد..!
لمى:حاطه فيس معصب ..!
ندى:ارحمنا ياثقيل ياانت..!ياهلا بروحي وحيااتي وقلبي ودنتي..!
لمى :هلابك..!
ندى:شف يابسبس ياتتعدل وتخلي حركات البزران والتغلي والا بروح اخمد..!
لمى:تلايطي يعني انطمي واسكتي مقفله بوجهي وربي قمت القط وجهي..!
ندى:يحوووووول كل هالزحمه عشان تسكيره الجوال..!بايخه وقسم..!
لمى:نيهاهاهاها اتغلى يابقره يعني ماتعرفيني.!
ندى سكتت وماردت ..
لمى ترسل لها:كدوووووووش وين رحتي..

ندى :يالله وش تبي ذي دقاااايق وارجع لك....!
لمى :شفييييييييييييك .........!
ندى : وحده مرسله لي مسج تقول اذا صاحيه دقي علي ضروري موضوع يهمك..!

لمى:ميييين هي منو البنت ووش الموضوع؟؟ووش تبي ؟؟؟
ندى: مدري مدري برب
لمى:ندى وش السالفه...وش صااير .........!
ندى ماردت ع لمى ..ولمى ماتدري وش اللي صااار لندى ...!ووش الموضوع.!
ندى موقادره تصبر مسكت جوالها ودقت ع نفس الرقم اللي ارسل لها
ندى:الو...
×××
فتحت عيونها بصصصصصصعوبه...ماتدري هي وين وكم سااعه لها ع ذا الحال..!حاولت تقوم موقادره
نظراتها تتنقل بالغرفه وتتفحص تفاصيلها...وين انا سؤال يصرخ بداخلها وين انا؟؟
لاقت نفسها بغرفه ووممدده ع السرير..وجنبها مسكن وحبووب وعلبه عصير..ولحاله بالغرفه...!
هدوء وظلام الغرفه...وصرخات سؤالها ..وين انا؟؟؟ووين انا...؟ رسم لها مشهد ررررعب
وخوووووووووف يسري بعروقها ....سلسله احدااث تتخيلها وبكل حدث تتخيله تتزيد معها سرعه انفاسها
تحس لكون كله يسمع دقات قلبها الخايفه...!جسمها يرتجف ..تحس الرجفه تسلسل لعظامها.....!
انفاااااس سريعه ..تحاول تقوم من السرير ..بتطلع من الغرفه بتسكت صرخات سؤالها ....!!
حاولت تستجمع قوتها وتحاول تقوم ...ماهمها وين بتروح ووش بيواجهها كان همها ..تعرف هي ووين...؟
بتعرف وش صار لها.....!!
بمعركتها وياتخيلاتها ومحاولتها انها تقوم من السرير..!
انفتح الباب بشويش.....!كانت الغرفه ظلام والنور وراء الشخص اللي فتح الباب موموضح ملامحه.
نوره حطت يدينها ع السرير وقامت بصصصصصعوبه وصرخت
نوره:ان ن ت ممممميي ي ن .!ووو ش تت تتت بي ممم ن نني<<(انت مين ووش تبي مني)
ماكانت تعرف منو الشخص...كانت مررررررررعوبه والدموع تجمدت بعيونها....!
شغلت نور الغرفه ..تبي نوره تشوفهها...!
؟؟الحمدلله ع سلامتك..ياحبيبتي..
نوره:انتي مين..؟و...!
؟؟..انا ......)




  رد مع اقتباس
إضافة رد

مواقع النشر (المفضلة)

جديد المواضيع روايات كامله ، روايات طويله ، روايات رومانسيه ، روايات حزينه ، روايات جديده



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:50 AM.


Powered by vBulletin® Version
Copyright ©2000 - 2014, vBulletin Solutions, Inc. seo by : www.cdt.com.sa
SEO by vBSEO 3.6.1
helm V 3.1 By: !waham ! © 2011-2012
جميع الحقوق محفوظة لـ موقع حسبتك لي